Ubak Yang Sangar ( unyu2)

Cuma Topek yang paling sering nyusah-ke ibu guru di kelas 6 tahun ini, selain males dan nakal, Topek jugo sering ngantuk dikelas.

Suatu hari ibu mendapati Topek lagi-lagi ngantok selamo pelajaran berlangsung.

Bu guru : "Pek.....Siapo Proklamator kito ..?!"
Topek (kelabakan) : "Dak tau bu... bukan aku.."
Bu guru : "Ayo Pek... katoke SIAPO ?"

Topek (kelabakan) : "Sumpah bu... bukan aku.."
Karno kesel ibu guru nyo langsung telpun ngelapor ke BAK Topek yang terkenal sangarnyo, mencerito-ke segalo kenakalan TOPEK khususnyo dalam menjawab pertanyaan guru.
berbekal gengsi dan jugo mungko gurunyo tau bahwa selaku bapak dio tegas dalam mendidik anak baknyo langsung meluncur dan nemui si topek di kelas.

Bak Topek : "Pek cubo kau katoke, Siapo proklamator tu.."
Topek : "aku dak tau bak, bukan aku !"

Bak Topek (mulai melotot) : " ayo jangan maluke. siapo Prokalamator..!"
Topek : "Bukan aku BAK.."

Bak Topek (kali ini dengan marah) : "Sekalli ini kalu dak kau ngaku, Kutampar kau.!"

Topek (gemeteran) : "Bukan aku BAK, sumpah bukan aku niand..!"

jingok sikap topek cak itu, bak nyo mulai kendor dan langsung ngadep ibu guru : "wahh..bu guru, caknyo memang bukan dio niand.....!"

Bu guru (dalem hati) : "is.. anak samo bak samo bae..samo bengag...!"

Pengamen Unsri

Ebok Sekarang lah jadi pebisnis di jakarta, pada kesempatan liburan dio milih ke palembang dan nyempetke waktu datang ke UNSRI tuk bernostalgia dengan tempat kuliah dulu.
di pelataran kampus dio kaget ketemu dengan pengamen tapi beda dengan di tempat lain, pengamen ini lah tuo niand, langsung dideketinyo pengamen itu..

Ebok : " mang...dah lamo ngamen di sini ?"
Pengamen : "sudah lapan Taun nak !"
Ebok : "lah lamo jugo yo... sehari pacak dapet berapo ye mang ?"
Pengamen : "paling dikit dapet limopuluh ribuan lah.."
Ebok : "oii....Lumayan jugo mang ye !"

Pengamen : "alhamdulillah nak, buat keluargo."
Ebok : "ngomong-ngomong keluargo ado di mano mang ?"

Pengamen : "anak aku ado tigo, lah besak galo kami tepisah"
Ebok : " yang tuo dimano ?"
Pengamen : "Yang tuo di universitas Gajah Mada!"
Ebok : "masyaallah... hebat mang, terus yang nomor duo samo nomor tigo ?"
Pengamen : "Yang nomor duo di ITB, yang nomor tigo di UI Jakarta."

Ebok : "Subahanallah, dak nyangko.... ado yang dah tamat apo masih kuliah galo ?!"
Pengamen : "Bukan Kuliah nak, Tapi ngamen cak aku nilah !"

Duren Pegagan

        Asyik dagang duren mang ebok duduk di kaki limo sambil melintir sarungnyo : " duren, duren..... asli pegagan, manis, tebel...!!"

IbuK ke-1 : " apo nian duren ni manis, tebel mang. "
Ebok : " kujamin bu....asli duren pegagan, dak manis dak tebel bale'ke bae, beli berapo buk. "
Ibuk ke-1 : "dak ah...."(sambil pegi).
Ebok : " wahh... kok langsung nyelonong bae, bu ?
Ibuk ke-2 :"mang bener ni duren pegagan?!"
Ebok : " cubo dulu.. lah kubuka', manis, tebel niand"
Ibuk ke-2 : " aii...dak ah..!"(langsung pegi)
Ebok : " ???? "

Kawannyo yang sesamo penjual nyeletuk : OOiiii...Bok, kau urus dulu sarung tu, pantes ibu-ibu dak galag meli !"

Ebok : " ngapo ?"
Kawannyo : " alang-ke lolo kau ni bok....BIJI tu kejingo'an...
Ebok : " ooio ee, Lupo aku ! "jadi malu"...

Lembaga Survei

Duo anggota lembaga survei melakukan penelitian tentang perkembangan dan kemajuan peternakan SAPI di palembang, tepatnyo di simpang kades.

ditemui mereka topek yang sedang 'ngingon' duo sapi.

Pe-riset : "wahh... sehat nian SAPINYO mang, berapo kilo beratnyo..?
Topek : "yang warno apo..?!"
Pe-riset : "yang warno putih.."
Topek : '80 kilo.."
Pe-riset : "kalu yang item. ?
Topek : "samo bae.."

Pe-riset : "makan nyo di-enjok apo. ?
Topek : "yang warno apo ?!"
Pe-riset : "yang warno putih.."

Topek : "rumput gajah"
Pe-riset : "kalu yang item. ?
Topek : "samo bae.."


Pe-riset : "kalu sebesak ini umurnyo lah berapo taun.. ?"
Topek : "yang warno apo ?!"
Pe-riset : "yang warno putih.."
Topek : "duo taun.."
Pe-riset : " kalu yang item ..?!"
Topek : "samo bae.."


Pe-riset (bingung) : "maap mang .. ngapo tiap kami nanyo kalu jawabannyo samo, mesti dibedake             warnonyo.?"


Topek (cuek) : " soalnyo yang putih punyo aku.."


Pe-riset : " ooooo....cak itu, jadi kareno yang putih punyo mamang, nah...kalu yang item ..?"
Topek : " samo bae..."
Pe-riset (dalem hati priset) : "EEQ AYAM MAMANG INI"

Ngambek Geli-Gelinyo

       Acara panjat pinang tujuh belasan taon ini yang diselenggarakan di Km 12 palembang rame nian.... berbeda dengan taon lalu, taon ini hadiahnyo bukan cumo llebih banyak, tapi jugo lebih menarik sampe sepeda jugo di gantung di pucuk phon pinang sebagai hadiahnyo
pesertanyo lebih banyak jugo, hampir sekarong, eh salah, sekampung milu galo, panitia sengajo cari phon pinang yang besak dan tingginyo sampe delapan meter, sudah itu pohonyo di kasih oli dengan minyak gemuk, panitia mengola pecak ini mempertimbangke hadiah nyo lebih banyak dari taon lalu.

       Cengki bae kejadianyyo banyak budak-budak yang gagal termasuk EBOX ( budak lorong karya sejati ) yang dikenal punyo kemampuan cak monyet kalu manjat pohon kelapo jugo gagal.
sampe topek preman Km 12 tertarik pulo', melok nyubo manjat tapi setelah empat kali nyubo gagal teros, dio pun kepayahan

      Tau-tau si ONO ( banci kaleng Km12 ) sambil ngegulung sarung menerobos bujang-bujang yang berkerumun : "dasar lanang di sini lelet galo... manjat stuo itu bhe dak pacak !!!!
mulonyo bujang-bujang tu nak marah tapi setelah jingog teknik manjat si ONO ngeyakin-ke, dari semeter ke se-meter dio berhasil nyampe ke pucuk, malah mereka jadi kagum campur aneh
menjadi aneh kareno si ONO walau lah di pucuk tapi dihadiahnyo yang diembek cuman sikok-sikok, walau sebenarnyo dio pacak narik hadiahnyo lebih banyak

keaanehan lain lagi tingkahnyo waktu meluncur ke bawah dio teriak-teriak : "aiihhh...Gelliiii..!" lalu manjat lagi, turun lagi sambil teriak : "ooii..Geeliii. (dengan lagak bancinyo(
selang setengah jam kemudian arena panjat itu di tinggalkenyo walau hadiah dipucuk masih ado.

bujang-bujang di sano betanyo galo samo Ono : " oi ono, ngapo hadiahnyo dak kau ambek galonyo !!"
Ono : "aii.. aku dak peduli samo hadiahnyo tu...aku manjat tu cuma ngembek geli-gelinyo bae "!!

bujang-bujang : " dasar BANCI..."

Tujuh Belasan (hari kemerdekaan ngindonesia)

         Tujuhbelas Agustus'an taun ini di rayoke besak-besak'an. bukan cuma masyarakat dari beberapo kampung sekitar sungai ogan yang bejubel di pinggir sungai, tapi, petinggi-petinggi daerah, tokoh-tokoh masyarkat termasuk pengusaha kelas kakap palembang jugo datang.

dak tau makmano ceritonyo dan ngapo di selenggaroke di sungai ogan yang di kenal banyak buayo, tapi nyato-nyo peserta lomba bidar lebih dari duo belas kabupaten se sumatra-selatan yang milu, mereka cak dak peduli dengan kondisi sungai musi.
acaro besrlangsung tertib, meriah dan pecak tujuh belasan taon lalu, ado panjat pinang, ado macem-macem permainan, di puncak acaro dilaksanakan lomba bidar.

lah selesai segalo lomba, masyarakat bingung jingok di panggung, masih ado hadiah motor trail 250cc yang belom di bagike samo pemenang...

dak lamo tuwh MC ngomong : " bapak-ibu...! taun ini ado acaro tambahan, nah.. di panggung ado motor-trail 1250cc dan di meja lah di siapke duit kontan 'sepoloh juta' hadiah ini sumbangan dari pengusaha kito untuk wargo yang dianggap "pemberani" bae.
siapo yang pacak berenang nyeberang sungai ini dengan selamat, maka seluruh hadiah menjadi punyo dio, tapi dengan catatan resiko tanggung dewek.!

kito tau galo, buayo-buayo di sungai ini besak-besak niand, dak percayo ?! sekarang kito samo2 saksi-ke, bener apo idak...
panitia nguntalke duo ayam ke tengah sungai, keduo ayam itu terbang sekuat tenago, tapi dak lamo kakinyo nempel di permukaan banyu,, detik itu jugo buayo langsung nyergap dan nelen ayam itu tanpa siso walau sikok bulu jugo, "wwwooooooow i'ts amazing" teriak warga hampir berbarengan.

MC : "nah.. mano warga kampung ini yang katonyo pemberani, ayooo.!"
ruponyo katek sikok jugo warga yang berani, keadaan berubah jadi senyap.

MC : "bapak-ibu barusan aku dibisik-ke, sekarang hadiahnyo kontannyo nambah lagi jadi total 'limo puluh juta, ayoo... cuma taun ini hadiahnyo besak, jangan dilewatke...!"


dak lamo.. BYUUUUUUUUURR.....ado yang melumpat ke sungai. masyaallah...!!! teriak warga. ruponyo si-anang, dio berenang masih pake' baju kaos lengkat dengan celano jeans-nyo. kejingok'an setengah mati dio nyelamatke dirinyo.
saro dio ngindar dari sergapan buayo ganas, pas udah deket ujung sungai ado buayo item melompat langsong menyergap, rahangnyo sampe kejingok'an.. ungtunglah oleh dorongan pingin hidup panjang, anang pacak lebih dulu melumpat ke pinggir sungai dan selamatlah dio...

warga segera datang'i anang yang masih tekulai lemas.."WOI... nang hebat nian kau, dak kusangko bujang lapok kito ni, nyato nyo pemberani !"
panitia pun datang mengucapke selamat, langsung ngomong : " nang... selamat yo , hadiahnyo lah disiapke, silahkan di ambek.

Dengan siso tenago terakhir anang tegak langsung teriak : "iiiddddddddddddddddddaaaaaaaak...!!!"
Dio langsung nerobos warga jalan ke panggung ngerampas mik dari tangan MC sambil ngomong :
"aku dak peduli dengan hadiah tu, aku cuman nak tau siapo tadi yang NGEJULAK'-ke Akuuu !!!!!